Sfidat dhe e ardhmja e “Regjistrit Elektronik të Kërkesave dhe Përgjigjeve për të Drejtën e Informimit”

Zyra e Komisionerit për të Drejtën e Informimit dhe Mbrojtjen e të Dhënave Personale në bashkëpunim me Fondacionin “Shoqëria e Hapur për Shqipërinë” zhvilluan një workshop me koordinatorët e të drejtës për informim të Autoriteteve Publike që janë pjesë e “Regjistrit elektronik të kërkesave dhe përgjigjeve për të drejtën e informimit”. Qëllimi i këtij workshop-i ishte prezantimi i ecurisë së këtij instrumenti gjatë vitit të parë të zbatimit, problematikat e hasura deri më sot në përdorimin e tij, si dhe sfidat e shtrirjes te të gjitha Autoritetet Publike shqiptare.

“Regjistri” i krijuar si databazë shtetërore të dhënash bazuar në Vendimin e Këshillit të Ministrave nr. 145, datë 13.03.2018, i jep mundësinë qytetarëve adresimin në rrugë elektronike të kërkesës për informacion pranë Autoriteteve Publike dhe ankesave për refuzim të informacionit publik pranë Zyrës së Komisionerit, me synim lehtësimin e marrjes së informacionit nga ana e qytetarëve. Kjo risi u mundëson atyre efektivitet më të madh në ushtrimin e të drejtës për informim dhe nxit transparencën dhe llogaridhënien e Autoriteteve Publike. Ky sistem është formatuar në mënyrë të tillë që të sigurojë shpejtësi në ofrimin e informacionit publik, pa asnjë pagesë, përmes një komunikimi të drejtpërdrejtë të qytetarit apo grupeve të interesuara me koordinatorët e të drejtës për informim.

Që nga momenti i krijimit të tij, në sistem janë dërguar nga ana e qytetarëve dhe grupeve të interesit mbi 500 kërkesa për informim drejtuar Autoriteteve Publike dhe 145 ankesa pranë Zyrës së Komisionerit.

Rishikim i privatësisë

Kjo faqe interneti përdor cookie në mënyrë që ne t'ju ofrojmë përvojën më të mirë të mundshme të përdoruesit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë të internetit dhe duke ndihmuar ekipin tonë të kuptojë se cilat seksione të faqes në internet ju duket më interesante dhe e dobishme.

Politikat e privatësisë