KONFERENCA RAJONALE “LIRIA E INFORMIMIT PUBLIK – ZHVILLIMI I PRAKTIKAVE NË RAJONIN E BALLKANIT PERËNDIMOR”

Në datën 18 shtator 2014, Komisioneri për Mbrojtjen e të Dhënave Personale, z. Besnik Dervishi, mori pjesë në Konferencën Rajonale “Liria e informimit publik – Zhvillimi i praktikave në rajonin e Ballkanit Perëndimor” e organizuar nga Zyra për Komunikim Publik e Qeverisë së Kosovës në bashkëpunim me zyrën e Misionit të OSBE-së në Kosovë. Në këtë Konferencë, morën pjesë Autoritetet e Mbrojtjes së të Drejtës për Informim dhe të Drejtës së Mbrojtjes së të Dhënave Personale të Kosovës, Shqipërisë, Maqedonisë, Malit të Zi, Bosnjë Hercegovinës, Kroacisë dhe Sllovenisë.

Komisioneri për Mbrojtjen e të Dhënave Personale, z. Besnik Dervishi pas fjalës përshëndetëse prezantoi në Konferencë temën mbi praktikat më të mira të mbrojtjes së të dhënave personale në Shqipëri.

Në përfundim të Konferencës pjesëmarrësit e Autoriteteve të vendeve të rajonit arritën në përfundimin se:

  • nevoja e bashkëpunimit dhe shkëmbimit të përvojave është e domosdoshme dhe në funksion të avancimit të realizimit të së drejtës së lirisë së informimit;
  • duke ditur që e drejta e informimit publik është e drejtë themelore e njeriut, angazhohemi për realizimin e plotë të saj;
  • është e domosdoshme nisja e zbatimit të Direktivës së Komisionit Evropian nr. 2013/37/EU për ri-përdorimin e informacioni të sektorit publik;
  • praktikat e vendeve të rajonit dëshmojnë se organi që mbikëqyrë zbatimin e ligjeve të lirisë së informimit publik duhet të jetë i pavarur dhe me fuqi ekzekutive;
  • bashkëpunimi në fushën e lirisë së informimit publik do të vazhdojë në mënyrë intensive edhe në të ardhmen;
  • pajtohemi për krijimin e një forumi të veçantë të përfaqësuesve që merren me lirinë e informimit publik në vendet e Ballkanit Perëndimor, me qëllim të shkëmbimit të përvojave dhe avancimin e realizimit të së drejtës për qasje në informacione me karakter publik;
  • të shikohen mundësitë që konferenca rajonale mbi lirinë e informimit publik, të jetë vjetore.
Rishikim i privatësisë

Kjo faqe interneti përdor cookie në mënyrë që ne t'ju ofrojmë përvojën më të mirë të mundshme të përdoruesit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë të internetit dhe duke ndihmuar ekipin tonë të kuptojë se cilat seksione të faqes në internet ju duket më interesante dhe e dobishme.

Politikat e privatësisë