Publikohen dy “Indekset e Transparencës së Autoriteteve Publike” për vitin 2021

Zyra e Komisionerit për të Drejtën e Informimit dhe Mbrojtjen e të Dhënave Personale publikon për vitin e dytë radhazi Raportet mbi “Indeksin e transparencës së autoriteteve qendrore dhe të varësisë 2021” dhe “Indeksin e transparencës së njësive të vetëqeverisjes vendore 2021”. Këto indekse ndjekin një metodologji të caktuar, e cila shërben kryesisht për të sjellë një analizë krahasuese të  nivelit të transparencës proaktive të autoriteteve publike duke krahasuar trendin e transparencës së tyre ndër vite.

Gjetjet e këtyre raporteve synojnë jo vetëm të nxisin ndërgjegjësimin për zbatimin e ligjit për të drejtën e informimit, si dhe rritjen e nivelit të transparencës përmes publikimit proaktiv të informacionit, por shërbejnë dhe si një referencë përpara vendimmarrjes së Zyrës së Komisionerit në respektim të dispozitave ligjore.

Nga monitorimi i realizuar, konstatohet një rritje e transparencës proaktive në Autoritetet Publike qendrore dhe të varësisë, si dhe në Njësitë e Vetëqeverisjes Vendore, përsa i përket plotësimit të Programit të Transparencës, përmbajtjes së informacionit të tij, regjistrit të kërkesave dhe përgjigjeve, në raport me vitin e kaluar.

Rishikim i privatësisë

Kjo faqe interneti përdor cookie në mënyrë që ne t'ju ofrojmë përvojën më të mirë të mundshme të përdoruesit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë të internetit dhe duke ndihmuar ekipin tonë të kuptojë se cilat seksione të faqes në internet ju duket më interesante dhe e dobishme.

Politikat e privatësisë