Zyra e Komisionerit për të Drejtën e Informimit dhe Mbrojtjen e të Dhënave Personale mori pjesë në takimin e dytë të Javës së Akademisë së Mbrojtjes së të Dhënave Personale për Ballkanin Perëndimor dhe vendet e Partneritetit Lindor. Ky aktivitet u Akademia u bashkëorganizua nga Këshilli i Bashkëpunimit Rajonal (RCC), Supervizori Evropian i Mbrojtjes së të Dhënave (EDPS), Drejtoria e Përgjithshme e Drejtësisë dhe Konsumatorëve (DG JUST), Programi i Mbështetjes për Përmirësim në Qeverisje dhe Menaxhim (SIGMA), Shkolla Rajonale e Administratës Publike (ReSPA) dhe Agjencia Gjermane për Zhvillimin (GIZ), në datat 9-13 shtator 2024, në Bruksel.
Akademia e Mbrojtjes së të Dhënave është një projekt i krijuar nga Komisioni Evropian (DG JUST) që ofron mbështetje dhe trajnime për autoritetet e mbrojtjes së të dhënave të vendeve jo anëtare të BE. Takimi i përvitshëm synon të forcojë partneritetet midis autoriteteve të mbrojtjes së të dhënave nga Ballkani Perëndimor, vendet e Partneritetit Lindor dhe BE duke ofruar një platformë për ndërtimin e kapaciteteve, shkëmbimin e njohurive mbi praktikat më të mira të mbrojtjes së të dhënave, duke përfshirë mbikëqyrjen e pajtueshmërisë së sektorit publik dhe privat, zbatimin e GDPR dhe digjitalizimin e shërbimeve.
Gjatë këtij takimi, Zyra e Komisionerit prezantoi gjetjet e lidhur me digjitalizimin e shërbimeve, hetimet administrative të zhvilluara nga Zyra e Komisionerit, roli i nëpunësit për mbrojtjen e të dhënave, aktivitetet ndërgjegjësuese të organizuara, si dhe praktikat mbi realizimin e transferimeve ndërkombëtare të të dhënave personale. Një nga arritjet kryesore të autoritetit shqiptar të mbrojtjes së të dhënave, e cila u evidentuara edhe nga pjesëmarrësit, ishte zbatimi i Marrëveshjes me Eurojust.
