Me mbështetjen e ekspertëve të projektit të Bashkimit Evropian për Qeverisjen e Mirë, Zyra e Komisionerit për të Drejtën e Informimit dhe Mbrojtjen e të Dhënave Personale (KDIMDP), zhvilloi një trajnim për trajnerët (ToT), mbi zbatimin efektiv të ligjit nr. 33/2022 “Për të dhënat e hapura dhe ripërdorimin e informacionit të sektorit publik”.
Në këtë tryezë, stafi Zyrës së Komisionerit përfitoi njohuri të zgjeruara mbi të dhënat e hapura dhe praktikat më të mira evropiane si dhe diskutoi më ekspertët ndërkombëtarë mbi diferencën e të dhënave të hapura dhe të drejtës për informim.
Një çështje tjetër që u përfshi në trajnim ishte mbikëqyrja dhe zbatimi i ligjit nr. 33/2022 “Për të dhënat e hapura dhe ripërdorimin e informacionit të sektorit publik” nga ana e Zyrës së Komisionerit.
Në këtë kuadër, eksperti i projektit të asistencës nga ana e BE, Zoran Jachev, shprehu vlerësimet e tij ndaj Zyrës së Komisionerit për angazhimin dhe përkushtimin e treguar në funksion të zbatimit të këtij ligji.
Ndërsa Drejtorja e Përgjithshmë për të Drejtën e Informimit, znj. Elona Hoxha, theksoi se Zyra e Komisionerit ka bërë përpjekje dhe hapa konkrete në ndërgjegjësimin e organeve publike, duke kontaktuar 220 autoritete gjatë viti 2024, më qëllim informimin dhe ndërgjegjësimin mbi të dhënat e hapura dhe ripërdorimin e tyre.
Ky trajnim u realizua si pjesë e Komponentit të 4-t të projektit “Bashkimi Evropian për Qeverisjen e Mirë”, pjesë e të cilit është edhe realizimi i manualit informues për të dhënat e hapura dhe ripërdorimin e tyre.
