Zyra e Komisionerit për të Drejtën e Informimit dhe Mbrojtjen e të Dhënave Personale në kuadër të projektit TAIEX ka zhvilluar online, takimin e parë me misionin e ekspertëve ndërkombëtar për fushën e të dhënave të hapura.

Në takim e mbajtur mes perfaqësusve të Zyrës së Komisionerit dhe ekspertve u diskutua mbi detajet e aktivitetit që do të zhvillohet në muajin shtator mbi ligjin nr. 33/2022 “Për të Dhënat e Hapura dhe Ripërdorimin e Informacionit të Sektorit Publik”.

Ekspertët e huaj do të ofrojnë asistencë teknike dhe këshillimore për të vlerësuar kuadrin aktual ligjor dhe institucional, për të identifikuar sfidat praktike në zbatimin e ligjit dhe për të hartuar rekomandime për përmirësim.

Ky mision  synon gjithashtu të mbështesë zhvillimin e kapaciteteve të administratës publike për të identifikuar, përpunuar, standardizuar dhe publikuar të dhënat në formate të hapura. Përmes takimeve me stafin e Zyrës së Komisionerit, palët kryesore të interesuara duke analizuar praktikat aktuale, ekspertët do të ndihmojnë në hartimin e udhëzimeve praktike, mekanizmave të monitorimit dhe masave për të inkurajuar ripërdorimin e të dhënave nga publiku ose organizata të tjera si biznese, institucione, apo për kërkime shkencore.