Fushata “Privatësi dhe Siguri”, konsultimi i “Kuadrit të aftësimit të mësuesve për mbrojtjen e të dhënave personale”

Zyra e Komisionerit për të Drejtën e Informimit dhe Mbrojtjen e të Dhënave Personale po zhvillon fushatën ndërgjegjësuese “Privatësi dhe Siguri” në institucionet e arsimit 9-vjeçar. Qëllimi i saj është konsultimi i “Kuadrit të aftësimit të mësuesve për mbrojtjen e të dhënave personale”. Pjesë e takimeve të zhvilluara deri tani në qarqet e Dibrës, Kukësit, Shkodrës, Lezhës, Gjirokastrës, Elbasanit dhe në zonën e Sarandës, kanë qënë mësues të lëndëve të edukatës shoqërore, TIK dhe psikologë.

“Kuadri i aftësimit” është një dokument me 9 parime kryesore për edukim të përgjegjshëm dhe për të rritur sigurinë në mjedisin digjital. Mësuesit marrin njohuritë bazë për mbrojtjen e privatësisë: legjislacionin e fushës; për qëllimin, mënyrat dhe mjetet e përpunimit të të dhënave personale; të drejtat në rastet e keqpërdorimit të tyre; çështjet që kanë të bëjnë me aspekte teknike të sigurisë së të dhënave, etj. Fushata ndërgjegjësuese po zhvillohet me kontributin dhe mbështetjen e Drejtorive dhe Zyrave Arsimore. “Kuadri i aftësimit” u miratua në 2016 në Konferencën e 38-të Ndërkombëtare të Komisionerëve të Mbrojtjes së të Dhënave dhe Privatësisë (ICDPPC). Ai është hartuar nga Grupi i Punës për Edukimin Digjital (DEWG), pjesë e të cilit është edhe Zyra e Komisionerit. Ky dokument synohet që të përfshihet në të ardhmen në kurrikulën e arsimit 9-vjeçar.

Rishikim i privatësisë

Kjo faqe interneti përdor cookie në mënyrë që ne t'ju ofrojmë përvojën më të mirë të mundshme të përdoruesit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë të internetit dhe duke ndihmuar ekipin tonë të kuptojë se cilat seksione të faqes në internet ju duket më interesante dhe e dobishme.

Politikat e privatësisë