Webinar-i V për kuadrin e ri ligjor për mbrojtjen e të dhënave personale me përfaqësues të Prokurorisë dhe Policisë

Në kuadër të zbatimit të Projektit të Binjakëzimit “Mbështetje institucionit për përafrimin e legjislacionit mbi mbrojtjen e të dhënave personale me acquis-in e BE” Zyra e Komisionerit për të Drejtën e Informimit dhe Mbrojtjen e të Dhënave Personale zhvilloi webinar-in e pestë të hapur me përfaqësues nga Prokuroria, Policia e Shtetit dhe Drejtoria e Përgjithshme e Burgjeve.

Në këtë aktivitet (dissemination event), me pjesëmarrjen e mbi 60 zyrtarëve nga institucionet e sipërpërmendura, u prezantua legjislacioni i ri i mbrojtjes së të dhënave personale, i cili do të jetë i përafruar me Rregulloren e Përgjithshme të Mbrojtjes së të Dhënave të BE (GDPR) dhe me Direktivën nr. 2016/680 “Për mbrojtjen e personave fizikë në lidhje me përpunimin e të dhënave personale nga autoritetet kompetente me qëllim parandalimin, hetimin, zbulimin, ndjekjen penale të veprave penale apo ekzekutimin e dënimeve penale dhe për lëvizjen e lirë të këtyre të dhënave” – e njohur ndryshe si Direktiva e Policisë. Kuadri modern rregullator zgjeron dhe forcon garancitë për respektimin e të drejtave të qytetarëve, e paralelisht, rrit transparencën dhe përgjegjshmërinë e kontrolluesve/përpunuesve të të dhënave personale në këtë proces.

Trajnimi u zhvillua nga ekspertë të Autoritetit Italian për Mbrojtjen e të Dhënave Personale, CSI-Piemonte në Itali dhe të Zyrës së Komisionerit.

Rishikim i privatësisë

Kjo faqe interneti përdor cookie në mënyrë që ne t'ju ofrojmë përvojën më të mirë të mundshme të përdoruesit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë të internetit dhe duke ndihmuar ekipin tonë të kuptojë se cilat seksione të faqes në internet ju duket më interesante dhe e dobishme.

Politikat e privatësisë