Komisioneri për të Drejtën e Informimit dhe Mbrojtjen e të Dhënave Personale, z. Besnik Dervishi, prezantoi Raportin Vjetor 2018 në Komisionin e Çështjeve Ligjore, Administratën Publike dhe të Drejtat e Njeriut të Kuvendit të Republikës së Shqipërisë. Viti i kaluar ishte dinamik, me përgjegjësi dhe sfida të reja, por edhe një vit i konsolidimit të aktivitetit të Zyrës së Komisionerit me rezultate të prekshme në të dy fushat e veprimtarisë sonë.
