Me temë “E drejta për informim – Regjistri Elektronik i Kërkesave dhe Përgjigjeve, REKPDI”, Zyra e Komisionerit për të Drejtën e Informimit dhe Mbrojtjen e të Dhënave Personale zhvilloi një trajnim online me koordinatorët për të drejtën e informimit të 25 institucioneve në nivel qendror.
Në këtë trajnim, pjesëmarrësit u njohën më konkretisht me detyrimin lidhur me publikimin/përditësimin e regjistrit të kërkesave dhe përgjigjeve si dhe përdorimin e REKPDI nëpërmjet portalit pyetshtetin.al.
Stafi i Zyrës së Komisionerit, gjithashtu bisedoi me të pranishmit në lidhje problematika të ndryshme mbi kërkesat për informacion, duke ofruar shembuj sipas praktikave më të mira.
Veçanërisht përdorimi i Regjistrit Elektronik të Kërkesave dhe Përgjigjeve lehtëson dhe forcon edhe më tej transparencën proaktive të çdo autoriteti publik, si dhe ndikon në përmirësimin e shërbimeve që u ofron qytetarëve apo grupeve të interesit.
