Ligji nr. 119/2014 “Për të drejtën e informimit”, i ndryshuar, ju garanton të drejtën të kërkoni dhe të merrni informacion publik nga autoritetet publike dhe subjektet e tjera që i nënshtrohen këtij ligji.
Ju mund të kërkoni, ndër të tjera:
Ligji nr. 119/2014 “Për të drejtën e informimit”, i ndryshuar, zbatohet për autoritetet publike dhe subjektet e tjera të përcaktuara në ligj, të cilat kanë detyrimin të sigurojnë akses në informacionin publik që prodhojnë ose administrojnë.
Ligji zbatohet, ndër të tjera, për:
Ligji nr. 119/2014 “Për të drejtën e informimit”, i ndryshuar, ju garanton të drejtën të kërkoni çdo informacion publik të regjistruar që prodhohet ose administrohet nga një autoritet publik, pavarësisht nga data e krijimit të tij.
Informacioni mund të jetë i regjistruar në forma të ndryshme, si:
Nëse nuk jeni të sigurt se si ta formuloni kërkesën tuaj, autoriteti publik ka detyrimin t’ju ofrojë ndihmë dhe këshillim.
Përpara paraqitjes së një kërkese, verifikoni nëse informacioni është publikuar tashmë në Programin e Transparencës të autoritetit publik.
Çdo person gëzon të drejtën e njohjes me informacionin publik, pa u detyruar të shpjegojë motivet.
Kërkesa për informim bëhet me shkrim dhe dërgohet dorazi, me postë ose me postë elektronike, duke paraqitur saktë identitetin e kërkuesit dhe nënshkrimin e tij.
Për lehtësinë e qytetarëve, Komisioneri ka miratuar Formularin Model të Kërkesës për Informacion, i cili mund të përdoret për paraqitjen e kërkesës.
Kërkesa për informacion duhet të përmbajë:
A duhet të paguani për informacionin?
Shërbimet e administratës publike janë pa pagesë.
Dhënia e informacionit mund të bëhet kundrejt një tarife vetëm për mbulimin e kostove të riprodhimit ose dërgimit të informacionit, sipas tarifave të publikuara nga autoriteti publik.
Qytetarët që përfitojnë ndihmë juridike sipas legjislacionit në fuqi e përfitojnë informacionin falas, në rastet e parashikuara nga ligji.
Ditë pune janë ditët nga e hëna deri të premten. Ditët e pushimit javor dhe festat zyrtare nuk përfshihen në llogaritjen e këtij afati. Në rastet e parashikuara nga ligji, afati mund të zgjatet sipas kushteve të përcaktuara në Ligjin nr. 119/2014.
Ligji nr. 119/2014 “Për të drejtën e informimit”, i ndryshuar, garanton të drejtën për akses në informacionin publik. Kjo e drejtë mund të kufizohet vetëm në rastet e parashikuara shprehimisht në nenin 17 të ligjit.
E drejta për informim mund të kufizohet vetëm kur kufizimi është i domosdoshëm, proporcional dhe dhënia e informacionit dëmton interesat e mbrojtura me ligj, si:
Nëse informacioni i kërkuar është i klasifikuar “sekret shtetëror”, autoriteti publik nuk e refuzon automatikisht kërkesën, por fillon procedurën e rishikimit të klasifikimit, në përputhje me legjislacionin në fuqi.
Nëse vetëm një pjesë e informacionit është objekt kufizimi, autoriteti publik jep pjesën tjetër të informacionit, duke treguar qartë pjesët e dokumentacionit që janë refuzuar.
Nëse vlerësoni se e drejta juaj për informim është cenuar, keni të drejtë të paraqisni ankim administrativ pranë Komisionerit për të Drejtën e Informimit dhe Mbrojtjen e të Dhënave Personale.
Ankimi administrativ paraqitet brenda 30 ditëve pune nga dita kur:
Ankimi paraqitet me shkrim. Komisioneri ka miratuar Formularin Model të Ankesës, i cili mund të përdoret për paraqitjen e ankimit.
Shkarko Formularin Model të Ankesës
Ankimi duhet të shoqërohet me:
Në rastet kur informacioni i kërkuar përmban të dhëna personale, ankimi shoqërohet edhe me dokumentin e identifikimit të kërkuesit.
Nëse keni nevojë për informacion të mëtejshëm ose keni pyetje në lidhje me ushtrimin e së drejtës për informim, mund të kontaktoni Zyrën e Komisionerit për të Drejtën e Informimit dhe Mbrojtjen e të Dhënave Personale.
Orari i pritjes:
E-mail: info@idp.al
